CONSTRUIR IL FUTUR – IMPRESSARI CONSTRUCTUR GRISCHUN

La meglra via è adina quella che maina en il futur. L’impressari constructur grischun sa co ch’ins construescha questa via: a moda segira e solida. L’impressari constructur grischun è represchentà en tut las regiuns dal Grischun e procura en tut ils lieus per ina buna infrastructura ed ina basa economica che pussibilitescha in futur prosperant.

L’impressari constructur grischun presta lavurs orientadas al futur, e quai cun blera experientscha, cun collavuraturs fidaivels sur blers onns e cun emprendists engaschads. L’impressari constructur grischun procura uschia per bunas vias e rodaglias, per bellas chasas ed hotels, per ovras idraulicas e pendicularas segiras sco era per bunas plazzas da lavur en l’entir Chantun.