SOCIETAD GRISCHUNA DALS IMPRESSARIS CONSTRUCTURS

La Societad grischuna dals impressaris constructurs è l’associaziun professiunala principala da l’economia da construcziun grischuna. Quai n’è nagina casualitad. La societad exista dapi passa 100 onns, ma sia moda da lavurar è moderna ed orientada al futur.

La Societad grischuna dals impressaris constructurs na represchenta betg mo ses commembers, mabain era sias regiuns. Per quest motiv è ella sutdividida en quatter regiuns. Sco construidra dal futur n’è la societad ultra da quai betg mo activa sin il plazzal, mabain er en ils secturs da la politica economica u da la furmaziun professiunala. La societad giauda perquai in fitg bun num ed è ina partenaria impurtanta per las autoritads e la politica.

La societad è organisada a moda democratica e dispona il medem mument d’ina economia da manaschi effizienta. La radunanza generala, la suprastanza e la suprastanza extendida garanteschan ina buna communicaziun sur tut ils gremis ora, e l’agentura a Cuira vegn manada d’in team da tschintg persunas che collavuran fitg bain.