Formulars e documents
Chalender dal temp da lavur
Contract collectiv naziunal da lavur (CCNL) art. 25 al. 1 (extract):
Il temp da lavur emnil per l’onn sequent vegn fixà da l’interpresa en il chalender dal temp da lavur il pli tard enfin la fin da l’onn. Las parts contrahentas mettan a disposiziun musters elavurads communablamain per quests chalenders dal temp da lavur. Sche l’interpresa tralascha da crear e communitgar in chalender dal temp da lavur als collavuraturs, vala il chalender dal temp da lavur secziunal vertent per il lieu da l’interpresa che vegn elavurà mintg’onn da las cumissiuns professiunalas pariteticas localas.
L’interpresa ha da trametter il chalender dal temp da lavur a la cumissiun professiunala paritetica enfin mez schaner.
Cun cliccar sin ils links sutvart vegnan telechargiads ils chalenders.
Obligaziun d'annunzia da dis libers da lavur
Contract collectiv naziunal da lavur (CCNL) art. 27 Dis libers da lavur
1 Dumengias, firads chantunals e dis da paus publics, sondas ed il 1. d’avust na vegni betg lavurà.
2 En cas motivads poi vegnir lavurà durant dis libers da lavur tenor art. 27 al. 1 CCNL. L’interpresa sto infurmar la cumissiun professiunala paritetica responsabla almain 24 uras avant il cumenzament da la lavur.
3 Tut las uras prestadas ina sonda dattan il dretg ad in supplement da paja da 25%. Eventuals supplements pli auts, reglads contractualmain (annexas), restan resalvads.
