GBV Logo

Scolaziun

Survista da las furmaziuns

Las professiuns en il sectur da construcziun porschan blera variaziun e bunas perspectivas per il futur. Il crap da fundament per l’atgna carriera sa lascha metter a moda fitg simpla; per exempel cun in emprendissadi da miradur (cun attestat federal da qualificaziun «AFQ», trais onns) u da practicist da construcziun (cun attest federal professiunal «AFP», dus onns).

Examinaziun da la qualificaziun

Test da qualificaziun per emprendists/emprendistas da las professiuns miradur/miradura e practicist/practicista da construcziun

Impressaris che vulan engaschar e scolar emprendists survegnan sustegn da la SGIC. La societad fa tests da qualificaziun per emprendists potenzials. Examinadas vegnan las enconuschientschas en il secturs matematica, dissegnar constructiv e tudestg. Il nivel da pretensiun correspunda a la savida d’in scolar dal stgalim aut da la 3. classa; las dumondas èn formuladas en ina lingua chapibla per tuts. Infurmaziuns respectivas ed il formular d’annunzia chattais Vus qua.

Plazzas d’emprendissadi

Sche ti fas l’emprendissadi da miradur u da practicist da construcziun, sas ti mintga saira: grazia a tia lavur pon ils umans sa sentir bain en lur nov dachasa. Sche ti fas l’emprendissadi da construider da vias u da binaris, sas ti mintga saira: grazia a tia lavur pon ils umans viagiar e visitar in l’auter.

Quai è in bun sentiment. Pir da dretg, sche ti survegns er anc ina buna paja per tia lavur: sin il plazzal è tia paja pli auta che la media da las pajas en autras plazzas. E la lavur sin il plazzal fa er anc plaschair. Perquai che ti lavuras cun maschinas grevas, ina tecnica fitg moderna ed in bun team.

 

Las interpresas da scolaziun en il Grischun chattais Vus sut ils suandants links:

Meds d’instrucziun

Qua pudais Vus empustar meds d’instrucziun per ils secturs:

  • matematica dal rom
  • dissegnar constructiv
  • materials da construcziun
  • construcziun d’edifizis
  • proceduras da construcziun

Ils cudeschs èn disponibels sulettamain per tudestg.

Perfecziunaments

La Societad grischuna dals impressaris constructurs è preparada per il futur. Perquai che ses commembers sa perfecziuneschan cuntinuadamain. La Societad svizra dals impressaris constructurs dispona perquai aposta d’in center da scolaziun e porscha numerus curs.

 

 

Curs per impressaris constructurs

La SGIC presta numerus servetschs per ses commembers.

Ella porscha ils suandants curs:

A partir da la fin d’october 2021 vegnan publitgads qua ils novs curs da perfecziunament: